علاج نزلات البرد



بقلم د.Fatma Asaad

بما اننا فى الشتا والجو برد وده موسم نزلات البرد والكحة والذى منه هنتكلم ازاى نعالج نزلات البرد وازاى نتحنب حاجات كتير ممكن تزود الدور عندنا اول حاجة المضاد الحيوي والله ما بيعالج دور البرد لان سببه فيروس ضعيف مش بكتيريا الحالة ال بتاخد فيها مضاد حيوى لو فيه التهاب لوز مع البرد لان ال بيسببها بكتيريا ولو بقيت زى الحصان لو سمحت كملت جرعة المضاد الحيوي علشان لو ما كملتهاش المرة الجاية العلاج مش هيجيب نتيجة وهتلاقى مناعتك بتنهار تانى حاجة كومتركس /كولدفرى /كونجستال كل الحاجات دى والحقنة السحرية بتاع البرد ال هيا عبارة عن كتافلام وديكسا دول تاخدهم لو عندك انترفيو الصبح امتحان لا قدر الله لكن مش كل ما يجيلك برد لان باختصار دول بيمنعوا ارتباط الهيستامين بالريسبتور بتاعه والهستامين هوا المسئول عن سيلان الأنف والذى منهيعنى بيعمى الجسم عن وجود فيروس البرد مش بيعالج المشكلة والله وغير بقى أن فيهم سودوابينفربن ودى مادة قابضة بتقلل سيلان الانف لكن فى نفس الوقت هتزود الكحة لو موجودة فلو عندك كحة مع البرد هتزيد نبجى بقى لتالت حاجة واهم حاجة امال نعمل ايه مع البرد .........اهم حاجة برتقال ويوسفى بالهبل مش بتحبهم اد كده يبقى فيتاسيد سى وده فورا فيتامين سى مرة الصبح ومسكن واتكلمنا عن المسكنات قبل كده وطبعا احسن حاجة بنادول أو ادول أو بارامول اى حاجة باراسيتامول وبطنية وكوباية نعناع كوباية ينسون والفيروس بياخد وقته يومين تلاتة وهيروح احنا بس بنساعد الجسم بفيتامين سى مش اكتر......دمتم اصحاء

 

 



اقرء ايضا