علاج فيرس A



بقلم د.Esraa Sherife

محمد عنده سخونيه ،همدان،صداع ،ملوش نفس ياكل طنط هدى مامته شافته قالتله عندك برد كل ده عشان مسمعتش كلامى وخرجت من غير الجاكت !! 1 هتقعد انهارده فى البيت 2. اشرب سوائل كتير 3 . خد حبايه الصداع دى والمسكن وحبايه البرد دى المهم محمد سمع الكلام بس قعد فتره زى ما هو بل كمان بدا يلاقى البول غامق ،البراز فاتح ،بيهرش ،جلده و بياض عينه مصفر،خس شويه ، طنط هدى قالتله لا بينا على الدكتور .الدكتور قاله بص واضح ان عندك الصفراء (بياض العين و الجلد المصفر ،البول الغامق والبراز الفاتح والهرش)فاعمل التحاليل دى وتعالى .راح محمد ورجع الدكتور قاله انت عندك فيرس Aو اتفضل 1 الدواء ده للاعراض الى عندك من صداع و مسكن وسخونيه 2 ارتاح فى البيت كام يوم 3. عليك وعلى السوائل الكتير 4.قلل البروتين فى الاكل 5.هتجرى على المستشفى لو لقيت فيه نزيف او ترجيع جامد.اشوفك فى الاعاده مع السلامه !! طنط هدى خرجت والدكتوره الى جواها قلقانه عايزه تفهم اكتر ايه الى فرق يعنى ما هى عملت كده فى الاول ومخفش! يجى دورنا احنا بقى عشان نريح طنط هدى 1.. طنط واضح ان محمد مبيهتمش بنضافته ولا بنضافه الاكل بتاعه عشان فيرس A مبيتنقلش غالبا الا من البراز للفم feco-oral يعنى مش بيهتم بنظافته الشخصيه او اكل اكل ملوث من شهر كده لان الاعراض مبتظهرش الا بعد28 يوم وقبل ال28 يوم دول بتبقى اكتر فتره معديه لان الفيرس بينزل فى البراز-هو ممكن يتنقل من خلال نقل الدم الملوث بس نادرا- 2.الدكتور مغلطش فى حاجه كل الى قاله صح والتزمى بيه الفيرس ده بيخف لوحده self limited غالبا كل الى علينا نعالج الاعراض بس زى ما الدكتور قال -فى حالات نادره جدا بيحصل فيها فشل كبدى وبيبقى فى خطر على حياه الفرد- 3.بالنسبه للتحاليل الى طلبها الدكتور هتلاقى زياده فى انزيمات الكبد الى هى ALT ,AST,ALP,GGT, GAMMAGLOBULIN &BILLIRUBINالبيليروبن ده المسؤل عن الصفراء و اهم حاجه لتشخيص فيرس A هو تحليل الاجسام المضاده من النوع M اسمها lgMده يعتبر ال golden standardفى التشخيص اما بقى من خلال 2 الى 6 شهور هيختفى الجسم المضاد من النوع Mو يظهر بداله IgG ده معناه انه خف وبقى عنده مناعه مدى الحياه 4. اخيرا بقى لو حضرتك عندك ولاد تانيين وعايزه تعمليلهم وقايه اهتمى بنظافتهم الشخصيه والاكل ولو هما اكبر من سنتين ممكن تديهم تطعيم فيرس A اسمه havrix او vaqta او حقنه اجسام مضاده اما لو عملتيلهم تحليل وطلع عندهم فيرس A بس الاعراض لسه مظهرتش ده معناه انه لسه معداش شهر على العدوى -الاعراض بتظهر بعد حوالى شهر- كده ممكن تديه حقنه اجسام مضاده هتمنع انتشار المرض -العدوى-وكمان هيخف بشكل اسرع



مواضيع ذات صلة
مقالات مفيده