أغرب أسئلة ممكن تتسئلها في الإنترفيو!



أغرب أسئلة ممكن تتسئلها في الإنترفيو!

كتير من الشركات بتحدد شروط في طلب التقديم للوظائف المتاحة عندها والإنترفيو بيعتبر أول خطوة للتأكد من مدى صحة الشروط دي، وبيكون في مجموعة أسئلة تم تجهزيها وإعدادها مسبقا والهدف منها بيرجع لكل وظيفة والمهارات المطلوبة ليها واللي بيقوم بإعدادها وتجهيزها هو مدير الموارد البشرية في الشركة. بس أحيانا ممكن نواجه أسئلة غريبة جدا مالهاش علاقة بمجالنا!

من خلال إستطلاع قامت بيه "جمعية فنيي المحاسبة ببريطانيا" وشمل الإستطلاع حوالي 2000 شخص، دي كانت أغرب الأسئلة:
مين دكتورك المفضل؟


بتحب تغني في دورة الميه؟
هتعمل أيه لو الشمس إختفت ؟
مين الأشخاص اللي بتحب تعزمهم للعشاء؟
لو هتكون شخصية كارتونية هتكون ايه وليه ؟
لو فرس النهر وقع في الميه هتعمل ايه علشان تطلعه؟
لو قامت معركة بين سوبر مان وبات مان، مين اللي هيفوز؟
تفضل إنك تعرف كتير عن حاجات قليلة ولا تعرف قليل عن حاجات كتيرة؟
لو لاقيت نفسك فاكهة أو خضار تحب تكون أيه؟
الرئيس التنفيذي للشركة بيفكر في ايه دلوقتي؟

ومن خلال سؤال الأشخاص اللي جاوبوا علي الإستطلاع بعضهم ماكنش عنده إجاية والبعض كان في حالة توتر أو إرتباك وبعضهم كان في حالة خجل والأغرب إن بعضهم نسي الوظيفة اللي متقدم إليها أساسا.
وأظهر الإستطلاع إن أصحاب العمل سئلوا الأسئلة دي علشان يعرفوا مدي تصرف الأشخاص في حالة التوتر أو تحت ضغط العمل هيكون رد فعله ايه. لو أنت مكانهم رد فعلك هيكون ايه ؟ 




مواضيع ذات صلة
مقالات مفيده